نقل مقر مجلس الشوري والشعب

بعد حريق مجلس الشوري والخسائر الفادحة التي وصلت 150 مليون جنيه وديه تقديرات اوليه والتي راينها والاهمال الجسيم الذي يمر بنا وباموالنا وبالحياة المصريه من غلاء وتعب وتحمل الاسر المصريه كل اشكال الغباء السياسي الذي يحيط بنا من كل مسئول فاشل ولا يستطيع تحمل مسئولياته وتحمل اخطائه وتعبنا من الاعزار المكررة والمسلوقة والتصريحات الرنانه عن التطور والتغير والفكر الحديث واننا نعمل بخطة خمسينيه ومش عارف ايه كلام كده بقاله اكتر من 30 سنة بينعاد وبيتكرر في كل مصيبة وبلوة تحل بنا

اري انه من الافضل بل ومن الضروري نقل مقر مجلسي الشعب والشوري من مكانهما في وسط البلد الي المدن الجديدة لما يحدثه من تفاقم في الوضوع المروري وتكدس المرور في هذا الشارع وفي هذا المكان الحيوي والمدخل لمنطقة وسط البلد وكده كده احنا حنبنيه من جديد وبفلوسنا فخلاص بقا بلاش شعارات كدابه وكلام فاضي وتراث ومش عارف ايه لو انتم حاسين انه تراث كنتم حافظتم عليه مش كده ولا ايه
ارجوا كل من يقراء هذا الموضوع التعليق حتي يصل صوتنا الي الريئس والجهات المعنية قبل البدء في التجديد والعمل علي دراسة نقل مقر المجلس الي اي مدينة جديدة وبعدين يعني الاعضاء مش حيغلبوا في الموصلات لانهم هما كمان وكلنها ولعه وربنا يعوض علينا في الفلوس الي خدوها مننا وحرقوا دمنا بيها
اولا واخيرا حسبنا الله ونعم الوكيل في ظالم ومفتري